Bæjarstjórn Reykjanesbæjar leiti leiða til að efla, hvetja til og laða að vistvæna matvælaframleiðslu í Helguvík.
Bæjarstjórn Reykjanesbæjar leiti leiða til að efla og hvetja til vistvænnar matvælaframleiðslu í Helguvík, allt frá orkufrekum gróðurhúsum til tilraunastarfsemi með lífræna ræktun hverskonar. Allar fjárfestingar í þessum geira borga sig til lengri tíma litið. Hægt er að tengja þetta við tækniinnviði á Ásbrú, taka frá lóðir í deiliskipulagi til að bjóða svona starfsemi og muna að við viljum vistvænan atvinnurekstur við bæjarfótinn.
Ég væri til í að vera með öðru frábæru fólki í að starta svona verkefni. Þannig atvinnustarfsemi er viðbót og nýjung hér á þessu svæði að ég best veit.
Menningar- og atvinnuráð tók hugmyndina fyrir á fundi sínum og bókaði um hana: Menningar- og atvinnuráð þakkar framkomna hugmynd. Verið er að vinna í atvinnuþróunarstefnu og verður hugmyndinni komið í þann farveg.
This content is created by the open source Your Priorities citizen engagement platform designed by the non profit Citizens Foundation