Lagt er til að leið II sem kynnt er á bls. 14 í Viðauka D við Aðalskipulag Ísafjarðarbæjar 2008-2020 verði staðfest. Í viðaukanum segir: „Um Hrannargötu og Sólgötu liggur stofnbrautin sem þverar Eyrina. Göturnar eru í íbúðarbyggð og er nokkurt álag vegna umferðar þar, sérstaklega vegna hraðaksturs.“ Leið II er eftirfarandi: „Stofnbrautin verði áfram um Sólgötu og Hrannargötu, en umferðahraði minnkaður með tryggum hætti, s.s. með því að breyta götunum í vistgötur.“
Með því að draga verulega úr umferðarhraða má takmarka neikvæðu áhrifin sem þung umferð um Sólgötu og Hrannargötu hefur á íbúðarbyggð. Þá bætir það öryggi íbúa og vegfarenda til muna. Hljóðvist getur einnig batnað með lækkuðum umferðarhraða. Vistlegt umhverfi getur haft jákvæð áhrif á og ímynd bæjarins m.t.t. íbúa, gesta og viðskiptavina á svæðinu.
þetta er eina leiðin í gegnum bæinn, það ætti að breikka götuna með að taka húsin neðanmegin í götunni og gera hana tvíbreiða. breikka gangstéttina að ofanverðu og breyta Hrannargötu í vistgötu.
This content is created by the open source Your Priorities citizen engagement platform designed by the non profit Citizens Foundation